ڑ

Meri Shairi Rrey

ڑ

‘ڑ’ سے شروع ہوتا نہیں کوئی لفظ اردو زباں میں
جیسے نہیں کوئی سہارا مسعوؔد دیوانے کا جہاں میں

عالم بھی اس نقطہ سے بے پروا ہے، سماج بھی
‘ڑ’ لفظوں سے عاری میں گم شامِ غریباں میں

کوئی ہمزباں ہو تو سنائیں مدعا اپنا اپنا
‘ڑ’ اظہار سے بے بہرہ میں مقید کسی کے پیماں میں

‘ط’ کو اپنانے کے جرم میں ‘ڑ’ کو اتنی کڑی سزا
دوسروں کی ساتھی یہ ‘ڑ’ خود گم ہے کس رازِ نہاں میں

میری کہانی بھی اس سے کچھ خاص مختلف نہیں
کبھی میں بھی اک گل تھا وفاؤں کے گلستاں میں

تو گلشنِ فرھنگ میں نہیں تو غم نہ کر کہ مسعوؔد بھی
جکڑا ہوا ہے کسی دلربا کی زنجیرِ زلفاں میں

مسعوؔد

farhang. gulistan. jurm. urdu sad poetry. urdu shayeri.