محبوب ایجاد نہیں

محبوب ایجاد نہیں

میں اداس ہوں تو کیا، لب پہ  فریاد نہیں
کیا تقصیر ہوئی اے جہاں، کچھ یاد نہیں

اب کے ہوا کچھ ایسا خانہَ دل ویراں
صنم، تم آئے بھی تو ہوا یہ گھر آباد نہیں

بے رخی حد سے گذرے تو سزا ہو جاتی ہے
جفا بس کر! اب مجھ میں تابِ بیداد نہیں

چراغِ امید بجھا ہی دوں، در کو زنجیر لگا ہی دوں
یہ نہیں اے صنم کہ تیرے وعدے پہ اعتمادنہیں

رات اندھیری ہے بہت، دن نکلے تو سوچوں
اُس دیس کو باندھوں رختِ سفر، جہاں صیاد نہیں

اہلِ سیاست کی باریکیاں کیا سمجھیں معصوم لوگ
ہم تو اُس مقام پر ہیں، جہاں فتنہَ و فساد نہیں

وہ ملیں تو انہیں اک پیغام دے دینا مسعودؔ
‘دل کے زخموں کی دوا، محبوب ایجاد نہیں‘

مسعودؔ